Annonce
Kalaallit Nunaanni sumiiffigisami kiffartuussinertalittut AV-mut naqiterinermullu iluarsiissutit
Illoqarfinni anginerpaani pingasuni teknikerinik aamma toqqorsivinnik peqateqarluni Kalaallit Nunaanni sulisuusunut pilersittunullu suliffeqarfinnut aamma aaqqissuussiffinnut AV-mi, naqiterinermi aamma kiffartuussinermi iluarsiissutinik Arctic Print Solutions pilersuisinnaavoq.
Kalaallit Nunaanni pilersinniartunut suliffeqarfinnut aamma aaqqissuussiffinnut allaffinnik, aamma ataatsimiinnerni atortorissaarutinik teknikkikkut ilusilersuisarneq tassaaginnarpoq suliassani ilaasuni ataasiinnaq. Atortut aamma suliniut aallartissimalerpata ajunngitsumik ingerlatarineri misissorneqarsinnaassapput.
Nuummi, Sisimiuni aamma Qaqortumi sumiiffiusuni najuuttuunermigut atuisartunut Arctic Print Solutions qanittuuffeqarsinnaavoq, aammalu sukkasuumik teknikkip tungaatigut atortut ajunngitsumik ingerlataqartilernerinik aamma sillimmatinik pilersuisinnaalluni. Sumiiffigisanit taakkunanit suliffik AV-mi iluarsiissutinik, eventteknikkimik, assiliinermik naqiterinermillu iluarsiissutinik pilersuillunilu ajunngitsumik ingerlatsilersitsisarpoq – aaqqissuussiffillu tassaavoq nunap ilusaanut pissutsinut naleqqussagaasoq.
– Atuisartunut qanittumiikkusuppugut, aammalu taakku teknikkikkut iluarsiissutaannut atortunik ingerlatsiviillu ilassaannik kiffartuussisinnaarusulluta, aammali tunisassianik nutaanik pilersuisinnaalluta, taamaalillutik ulluinnarni qaffasissumik pitsaassuseqassuseq pigalugu atuisartut nutaanik ilanngussaqarfigisinnaatillugit, qullersatut pisortaq aamma piginnittoq Klaus K. Poulsen oqaluttuarpoq.
2022-mi Kalaallit Nunaanni inu:it a/s-ip naqiterisarnikkut suliai piginnittuuffigilerpai, aammalu 2026-mi Arctic Printimik AV Greenland kattussivigaa, taaguut Arctic Print Solutions ataatsimoorfigitilerlugu.
– AV Greenlandilu sivisuumik ingerlataqareersuuvugut, aammalu allaffinni toqqorsivinnilu atortorissaarutinik atugaqatigiilluta, taamaattumillu peqatigiilluta nukittunerusumik inerikkiartornissatsinnut suliffeqarfiit kattunnissaat pissusissamisoortutut misigisimanarpoq. Taamaattumik Kalaallit Nunaanni tamarmi iluarsiissutini ilanngussuiffigisani siamasissutut ittunik ullumikkut pilersuisinnaavugut, Klaus K. Poulsen oqarpoq, ilannguppaalu:
– Ukiorpassuarni sulisugut uagutsinniissimapput, tamarmillu oqaatsinik marlunnik atuisuupput. Atuisartut aamma Kalaallit Nunaanni pissutsit nalunngilaat, suullu ingerlatilersinnaaniarlugit suut pisariaqarneri ilisimallugit.
Arctic Print Solutions pisortaqarfinnut aamma atuisartunut inuinnarnut pilersuisarpoq. Atuisartut akornanniipput ilaatigut nunatsinni kommunini tallimani tamakkunani Namminersorlutik Oqartussat, peqqinnissaqarfik, atuarfiit, gymnasiat, aamma kultureqarnermik sullissiviit. Ilanngutissapput suliffeqarfiit aamma suliaqartut nutaat, Kalaallit Nunaanni allaffinnik pilersitaqarlutilluunniit aaqqissuussaminnik – eventinik – ingerlatallit.
Sumiiffigisami kiffartuussisarneq eqqortianermik annikillisaavoq
AV-mik imaluunniit naqiterinermik iluarsiissut uninngaannassaguni naleqarpallaanngilaq. Taamaalisukkut Danmarkimi sumiiffinnut amerlasuunut naleqqiulluni Kalaallit Nunaanni kiffartuussinissamut upalungaarsimaneq allaanerusumik pingaaruteqartuulersarpoq. Sulisunik aamma sillimmatinik assartuinerit piffissamik atuisinnaasarput, aammattaarlu sila avatangiisunik sunniisinnaasarluni. Taamaattumik illoqarfinni arlalinni sumiiffigisami teknikerit aamma toqqorsivinnik inerlatsinerit Arctic Print Solutions’ip pingaarnersiugarisimavai.
– Atuisartup attavigigaangamitigut minutsit tallimat qaangiuppata takkunnissatta oqaatiginissaanut periarfissaqarpugut. Uagutsinnut kiffartuussineq tassaanngilaq kingulliulluni takkuttartoq. Tassaavoq iluarsiissutip atuisup pisiarisaata ilaa, Klaus oqarpoq.
Taamaalinerani sumiiffiusumi toqqorsiveqarfiup ingerlatarinerata pisariaqartitsisoqalersillugu atortussat inniminnernissaannik aamma Kalaallit Nunaaliaannissaannik pisariaqartitsinerit annikillisarpai. Tamanna ulluinnarni ingerlatsinerni teknikkip tungaatigut atortut ilaaffeqarfiannut atuisartuni tamanna aalajangiisuusinnaavoq, soorlu napparsimmavinni, imaluunniit pinngitsuugassaanngitsutut attaveqaasersuutini allani.
Suliniutinut allaffimmit inimut ataatsimiittarfimmut
Taamaattumik sumiiffigisami teknikkip tungaatigut ikiorserneqarnissamut pisariaqartitsineq aamma suliniutinik piviusunik pilinnut atatillugu suliffinnut aaqqissuussiffinnullu Kalaallit Nunaannut tikittunut tamanna atuuppoq. Arctic Print Solutions’ip ilaatigut sanaartornerup, aatsitassat, ilisimatusarnerup aamma illersornerup iluini suliaqartunit pisariaqartitsisarnerit misigisarpai.
Suliniutinut allaffik pilersinneqaraangat iluarsiissutit amerlasuut taakku ataatsimoortillugu inissisimaffimmut ataqatigiissumut isumaliutigineqassapput.
– Ilaat Danmarkimit AV-mi atortunik pisianik, aamma tamaaneereersutut pilersuisartunik isumaqatigiissutinik peqarlutik takkuttarput, matumanili aamma sumiiffigisamit kiffartuussisarnerup ilanngunnissaanik isumaliuteqarnissaq isumassarsiatsialaavoq. Angerlarsimaffigisamimmi iluarsiissutigisassaq pigigaanni arlaat ingerlanerliulerpat unammillerfissaq takkussinnaasarpoq. Kia atortuutit ingerlateqqilerlugit suliarisinnaavai, aammalu sillimmatissanik qanoq sukkatigisumik pilersuisoqarsinnaava?
Arctic Print Solutions atuisartup pisariaqartitaanik naleqquttumik iluarsiissummik ataqatigiissumik siunnersuisinnaavoq, aammalu ikkussuinermut, ingerlatariuakkamik aserfallatsaaliuinermik, aamma teknikkip tungaatigut ikiuisarnermik isumaginnissinnaalluni.
