Aasianni 1960-ikkunnit inissianik blokkinik iluarsaassinerni Rambøll Grønlandip aqqusaakkat pingajuat tikippaa
Kalaallit Nunaanni nutaanik sanaartornerit sioqqullugit iluarsaassinerit
Rambøll Grønlandip tamaaneereersutut inissiaataasut iluarsaannissaanni piukkunnaatitangisuut takusinnaavai. Illumik pinngoqqaamik attassinissamik sammisaqarneq, isumaliutersuutit nutaaliorfigisat, aamma sakkuutit digitaaliusut atorlugit suliniutit nutaatutsanaartukkanut naleqqiullugit malunnartumik akikinnerutillugit piviusunngortissinnaapput.
- 1960-70-ikkunnit inissiani blokkini inissiat ilarpassuisa sanaartugarinerisigut iluarsiissutinik pitsaasunik piviusutut peqartuuneri takusarpagut, aammalu illumi sananeqaatinik oqimaatsunik iliuuseqarfeqartariaqarata ininik ikkussukkanillu nutaanik ilanngussaqartiterinermi naleqassuseq annertooq takusinnaavarput.
- Misissuinerit arlallit takutippaat piujuartitsinerpaaq tassaasoq sanaartunnginnerput. Taamaattumik illup piukkunnaatai misissortarpagut, aammalu pisoqarfiusinnaasut, inissianik piginnittunik peqateqarluni naleqqussarneqarsinnaasut titartaqqaarniartarpagut – illup taamaaqqaarnerata sapinngisamik annertunerpaartaa attanniarsaralutigu.
Inooraq Brandt, Rambøll Grønlandimi pisortani qullersaq
Inissiatsialannut piumasaqaatinik nutaalianik sammisaqarnerit
Aasianni Rambøll maannakkorpiaq 1960-ikkunnit inissianik blokkinik tallimanik iluarsaassinerit pingajussaatut aqqusaarfigisaaniippoq.
- Suliniummiipput inissianik mikinernik kattussuinerit, imaluunniit maannakkut pisariaqartitanut inissaqalersillugu init akornanni ammaanerit. Aamma inissisimaffigisani killeqanngitsutut attaveqarfilittut tikitaqarsinnaassuseq, aammalu innuttaasunut killilimmik nikissinnaassusilinnut sianiginninneq misissugaraagut, Inooraq Brandt oqaluttuarpoq, ilaliuppaalu: - Tassaapput suliassat pissanganarlutillu nutaaliorniarnikkut unammillerfissallit.
Aaqqissuussaasumik 3D-mik scannerineq, digitaalimillu nalunaarsuineq aningaasaqarnermut piffissalersuutinullu assut inissisimaffeqarput. Takusaanermi siullermi annertuumik scannerinissamut qanoq ililluni annertunermik piffissaliisoqartarneq Brandtip oqaluttuaraa:
– Taamaalilluta suliassap piareersarneranut, aamma sanaartornermi ingerlatarisamut tamarmiusumut eqqoqqissaarnerujussuarmik tunngavigisassamik pissarsisarpugut.
Atortussat aserujaatsut pillugit issittumi misilittakkat
Rambøll Grønlandip sumiiffimmi ilisimasai sanaartornermi atortut sorliit attassinnaanerinik nalilersuinermut qitiusuupput. Quleriittut illuliarpassuit betonngitalersukkatut, aammalu silap pissusianut assiaqutaasumik ilusilersuisumik qisummik sanaartukkatut sanaartugaasarput, atortuutillu atasinnaassusaat taakku sanaartugarisami sumi inissisimaffeqarnerannik assut aalajangerneqartarput.
- Assersuutigalugu ukiut 30-50-it kingornatigut qaliarsuit initaanni silaannalersorluagaasuni qisuttat tupinnaannartumik qanoq pitsaasuusartiginerat takusarpagut. Suut atoqqinneqarsinnaanerinik takunninniarneq tamatigut atuuppoq, taamaalilluni pisariaqanngitsutut taarsersuinissaq pitsaaliorneqassammat.
Paarlattuatut sumiiffiit assut annertuumik isugutammik artukkerfigisat illup iluani silaannartamut peqqinnarnerusumut nutaanik iluarsiissutinik pisariaqartitsisinnaapput.
- Sanaartukkani atueqqinnerni iluarsaassinermik suliniutit, akiisa inissisimaffigisaasa assingusutut nutaatut sanaartugarisap akiata affaanut tikitsillutik piviusunngortitsisinnaaneq periarfissaasarpoq – tassani isaterineq ilanngunnagu – tamannalu assut iluarinartuusutut isigaarput, Inooraq Brandt naggasiivoq.
Saniatigooralugu sumiiffinni pissutsinut DGNB-tut nunatsinni aaqqiissutip naleqqussagaasup nassuiaaviginiarneranik suliaqartuusumi Rambøll suleqatigiinni peqataavoq.
