Savalimmiuni atlantikullu avannaani silami pissut ataaseq avaqqunneqarsinnaanngilaq. Isugutak.

Soorlu Savalimmiuni sialuk, anori sakkortooq silallu nillernerata taamaannera sanaartornermi pissutsini ajornartorsiutinik pilersitsipput, pingaartumik qaarsumik toqqaveqarluni sanaartornerni atorneqakkajuttartumik betonimik illorsualianik oqorsaanerni. Kiassusersiutimmi allanngorartuunnginnera pissutigalugu isugutak panertikkuminaattarpoq.

Silami pisariusumi sanaartorneq taamaammat sanaartornermi aaqqiissutinik misilerarluarneqarsimasunik atuinissaq taamaammat pisariaqarpoq, siunnersuisarnermillu suliffeqarfik Bunch Bygningsfysik Savalimmiunit Kalaallit Nunaanniillu ukiorpassuarnik misilittagaqarluarpoq, taakkunani ussiitsuunissaanut, silaannarissarnissaanut atasinnaassusaanullu piumasaqaatit nunarsuarmi sakkortunerpaanut ilaallutik.

- Savalimmiuni atuarfimmut massakkut siunnersuisuuvugut, tassani atuarfik nutarterneqassanersoq isaterneqassanersorluunniit aalajangiisoqarnissaanut isugutak oqullu pillugit misissueqqissaarluta illorsuarmilu atortut avatangiisinut navianaateqartut misissorlugit. Aalajangiisoqartinnagu paasissutissat aaqqiissutaasinnaasullu ilisimanissaasa qanoq aalajangiisuutiginerannut suliniut taanna assersuutaavoq, suliffeqarfimmik piginneqataasoq aamma bygningskonstruktøri Svante Emtoft oqaluttuarpoq.

Sila aalajangiisuugaangat

Sanaartukkami kukkuneeqqat – anorimut assiaqut ussiitsoq, igalaat matullu sinaat ussissarneqanngitsut imaluunniit betonimik sanaartukkat iluanni iluatsinngitsumik ussissaanerit – oqoqalersitsisinnaapput ajoqusiillutillu ajornakusoortumik akisuumik iluarsaanneqartariaqartunik.

- Sanaartukkat 70’ikkunneersut silamut naleqqussarlugit pilersaarusiorneqarsimannginnerat pissutigalugu isugutammik ajornartorsiuteqartut akulikitsumik takusarpavut. Suliniutip pilersaarusiorneqarnerani isugutammut teknikkikkut aaqqiissutissat ilanngutereersimanissaat taamaammat aalajangiisuuvoq, pisortaq Tommy Bunch-Nielsen, Bunch Bygningsfysikimillu tunngaviliisoq oqarpoq.

- Assersuutigalugu illut saavini anorimut assiaqutit Kalaallit Nunaanni Savalimmiunilu ussiinnerujussuusussaapput, taakkunani ussiinnerulersinniarlugu anorimut assiaqusiillunilu foliamik qalliinissaq isumatusaarnerusinnaalluni.

Piginneqataasoq Svante Emtoft ilassuteqarpoq:
- Sanaartukkamut anorip sakkortunera sialuttaritinneralu isugutammik isaatitsisinnaapput. Sanaartugaq ussittorujussuanngortissimanngikkaanni atortullu toqqarneqartut silamut naleqqussimanngippata – ajoquseratarsinnaanera annertuvoq. Danmarkimi imaluunniit Nunani Avannarlerni nunat sinnerini malitassat malillugit sanaartornissaq naammanngilaq – immikkut aaqqiissuteqarnissaq pisariaqarpoq.

Siunnersuineq naleqalersitsisoq

Bunch Bygningsfysik isugutammik oqummillu misissuinermik avatangiisinillu assiliornernik suliaqartarpoq, suleqatigiillu immikkut ilisimasallit siammasissorujussuarnik piginnaasaqarlutik – isugutammit, kiassarnermit nukissiornermiillu sanaartukkap timitaanut illullu iluani silap qanoq issusaanut. Suliarisartagaasa aamma ilagaat sanaartugassani nutaani suliniutinik misissuineq sanaartukkallu ajoquteqalersimagaangata iluarsaannissaat.

- Savalimmiuni suliniummi allami sanaartukkap nutaap qalia annertungatsiartunngorlugu sananeqartoq, silaannarissarnermi nalinginnaasumik malittarisassat avataanniittoq, siusissukkut misissoqqissaarparput, suliniummik aqutsisoq Martin Morelli oqaluttuarpoq.

Isumaqatigiinngittoqartillugu sanaartukkanik misissuinermik naliliinermillu aamma suliaqartoqartarpoq.

Aaqqiissutit atasinnaasut sananeqarsinnaasullu

Piareersarluarneq kukkusoqannginnissaanut kisimi tunnganngilaq – atorneqarsinnaasunik ukiorpassuarnilu atasinnaasunik aaqqiissutissarsinissamut aamma tunngassuteqarpoq. Bunch Bygningsfysik suliniummik misissuigaangat, sanaartortitsisoq sanaartugassamillu suliakkinneqarsimasut sanaartukkap piffissap ingerlanerani naleqassusaanik qulakkeerinnittunik tamakkiisumik aningaasaqarnikkut aaqqiissutinik pissarsisarput.

Kukkunerit akeqarput. Tassami isumalluutit, atortut sulinermilu piffissaq atorneqarsimasoq annaaneqartarput sanaartugaq aatsaallu sananeqartillugu. Sila Savalimmiunisut itsillugu immikkuualuttut takkuitsoorsimasat annertuunik sunniuteqarsinnaapput. Bunch Bygningsfysikip misilittagai ilisimasaalu taamaammat akilersinnaasumik aningasaliinerupput – piffissamut qaninnerusumut ungasinnerusumullu.