Sanaartugassanik suliakkinneqartartoq ujaqqerinermillu suliffeqarfik KJ Greenland A/S, Kalaallit Nunaanni sanaartugassanik suliakkinneqartartunit anginersaat ilaat suliniuterpassuarnik ingerlataqarpoq – suliniulli unarpiaq Avannaata Kommunianut immikkuullarissumik isumaqarsimavoq, tassami Ilulissani nutaamik meeqqeriveqalernissamik takorluugaq piviusunngormat.

Meeqqerivittaamut ilisarnaataavoq qaamasumik atoruminartumillu sinaakkutaqarnera, atugarissaarnissaq, pinnguarneq ilikkarnissarlu eqqarsaatigalugit pilersinneqarsimasoq. Tamaani meeqqat ukiorpassuarni  ataatsimoorneq toqqissisimanerlu atugarinissaannut periarfissaqassapput.

Illorsuaq quleriinnut marlunnut avinneqarsimasunik 950 m²-inik annertussuseqarpoq, tassaniissallutik init meeraaqqeriviit pingasut anginernullu init marluk kiisalu silami pinnguartarfik. Illup tunniunneqarneratigut meeqqat sulisullu tikilluaqqunissaannut meeqqerivik piareerpoq.

Pitsaassuseq suleqatigiinnerlu ukkataralugit

Aallartinneraniit naammassinissaata tungaanut piffissaq isumaqatigiissutigineqarsimasoq pitsaassuserlu isumaqatigiissutigineqarsimasoq tunniussinissaq KJ Greenlandimit ukkatarineqarpoq – piumasaqaatillu taakku naammassillugit tunniussaqarsinnaaneq tulluusimaarutigineqarluni.

Sanaartornermik suliniut pillugu suleqatigiinneq aqqutaa tamaat pitsaalluinnartumik ataqatigiissarluakkamillu ingerlanneqarsimavoq. Inuplan suleqatigalugu sanaartornissamik suliniummik ingerlatsisimasoq Titarneq ApS kiisalu sumiiffimmi suliat ilaanik suliakkinneqarsimasut VVS aamma El Firmaet A/S suleqatigilluarneqarsimapput.

Akisussaassusilimmik suleqataasoq

KJ Greenland A/S-ip sulinermini sumiiffimmi issittumi peqqarniitsumi kusanarluinnartumillu pissutsit aallaavigiuaannarpai. Tatigeqatigiinnermik suliatigullu pitsaalluinnartumik ingerlatsinermik qanimullu suleqatigiinnermik akuleriissitsisarnini suliffeqarfiup ilisimaneqaatigaa – sullitanut namminerlu suliffeqarfigisap iluani.

Pitsaassuseq KJ Greenlandip pingaartitaralugu sulivoq. Sulisut ilinniartinneqartarnerat taamaammat salliunneqarpoq ilisimasat nutaanerpaajuaannarnissaat suliassaqarfiullu ineriartornera ilutigalugu suliatigut pitsaasumik naammassisaqarsinnaaniassammata.

Inuit aalajangiisuupput

KJ Greenlandimi sulisut taakkuupput takorluukkanik piviusunngortitsisartut. Suliffeqarfiup taamaammat inuit pikkorissut tunniusimasullu akisussaaffimmik tigusisut angusaqartitsisullu illersorpai.

Sanaartorneq ingerlarsortorujussuuvoq, KJ Greenlandilu nuna tamakkerlugu iluaqutaasussanik suliniutinik sanaartornernut peqataarusuttunik ataavartumik nutaanik sulisussarsiortuaannarpoq.