Lafuco Torshavnimi ilinniarfinnut sullissivimmut Glasirimut, BIG-imit titartarneqarsimasumut, illup iluani iikkanik igalaaminernik tunniussaqarsimavoq.
Lafucomit iikkat igalaamerngit tamatigoortut
Lafuco iikkanik igalaaminernik akimarpasissunik1997-imili ilusilersuillunilu ineriartortitsisimavoq, tunisassiorluni ikkussuisarsimallunilu. Suliffeqarfik ullumikkut suliniutinut angisuunut neqerooruteqarnerni peqataajuaannarpoq. Suliniutilli mikinerit suliarisartagaani initoorujussuupput.
Suliniutinut pisortaq Lufacomillu piginneqataasoq Henrik Jespersgaard Jensen oqaluttuarpoq, aaqqiissutit siunersiuinermik ilallugu tunniunneqarsinnaasut, taamaalilluni Atlantikup avannaani assannik suliaqartartut ikkussuinerup ilarujussuinik suliaqarsinnaalerlutik.
Københavnimi uumasuusivissuarmi pandanut igalaaminermik assiaqut igalaamineq najungasoq uingasorlu 21 mm-imik manngertumik qallikkamillu sisattalik. Igalaaminernik iikkat immikkuullarissut Kalaallit Nunaanni mittarfinnut nutaanut ikuallannernut akiuussinnaassuseqarluarlutik igalaamerngit isumannaallisakkat. Igalaaminernik iikkat qaarajuttut Torshavnimi ilinniarfinnik sullissivimmut Glasirimut – suliffeqarfimmi maannamut suliani anginerpaaq.
Suliarisarsimasat pissanganartut amerlapput, Lafucolu sanaartornernut pikkunartunut peqataajuaannangajappoq.
Suliffeqarfik Ishøjimi qitiusoqarfeqartoq 1997-imi sanaartortitsisunik, illussanik titartaasartunik sanaartugassanillu suliakkinneqartartunik suliniutiminni iikkanik igalaaminernik akimarpasissunik atuerusuttunik suleqateqartarpoq minnerunngitsumillu siunersioqatigineqartarluni.
Suliniutilli ”ilisimaneqartut” kisiisa Lufacomit peqataaffigineqarneq ajorput.
- Sanaartornernut mikinernut amerlasuunik aaqqiissutissanik aamma tunniussaqartarpugut, soorlu allaffinnut, suliniutinut pisortaq Lufacomillu piginneqataasoq, Henrik Jespersgaard Jensen oqaluttuarpoq.
- Taakkunani aamma suleqataalluartuuvugut.
Lafuco ilusilersuinermi, ineriartortitsinermi ikkussuinermilu aningaasartuutinik ukkataqarpoq.
Ikkussuinermut tunngatillugu Atlantikup avannaani suliniutini pisariaqartinneqartunik naaperiaasunik Lafuco immikkut neqerooruteqarpoq.
- Uatsinnit siunersiorneqarluni nammineq ikkussuisinnaanissamut periarfissiivugut, Henrik Jespersgaard Jensen oqaluttuarpoq.
- Assersuutigalugu ikkussuisartoq ataaseq Kalaallit Nunaannukartittarparput. Nammineq ikkussuiitigaluni tikitamini assamminnik suliaqartunik ilinniartitsisarpoq, taamaalilluni suliat ilarujussui najukkami assamminnik suliaqartunit suliarineqarsinnaallutik. Atlantikup avannaani sulisunik suliartortitsineq akisuvoq, taamaammat taamaalilluni sanaartortitsisoq sipaarsinnaavoq.
Henrik Jespersgaard Jensen aamma oqarpoq, nammineq pisariaqartitat kissaatillu malillugit iikkanik igalaaminernik sullissinernillu pisisoqarsinnaasoq.
- Neqeroorutivut tunniussinermut akinut, ikkussorneranut akinut siunersiorneqarnermullu agguataarneqarsimapput.
Aaqqiissutit pisariusut pingaartumik siunersiorneqarnissamik pisariaqartitsipput, aaqqiissutillu allat immikkut ilisimasalimmik ikiorneqarnissamillu pisariaqartitsinngikkaluarluni ikkussorneqarsinnaallutik.
Atlantikup avannaanut tunisaqarnerujartorneq
Lafuco aallartisaasutut takorluugaqarluni aallartinneqarpoq, aallaqqaammullu sanasutut suliassat tunisanut aamma ilaasarsimallutik. 2008-miilli suliffeqarfiup iikkat igalaamerngit kisiisa ukkatarilerpai, sulisullu katillugit 30-t missaanniittut ikkat igalaamerngit pillugit Danmarkimi immaqa siammasinnerpaamik annertunerpaamillu ilisimasaqarlutik.
Atlantikup avannaani niuerfiit ukiuni kingullerni inituneruleriartorsimapput.
- Kaaviiaartitatta 15% missaat Savalimmiunit, Kalaallit Nunaannit Islandimiillu pipput, taakkulu amerlisinnaapput tunniussinermi siunersiuinermilu eqaatsumik periuseqarnissamik neqerooruteqarnerput tunngavigalugu, Henrik Jespersgaard Jensen oqarpoq.
Suliniutip aallaqqaataanit Lafuco ilaatillugu
Suliniut pitsaanerpaaq aallartereertarpoq illussanik titartaasartoq iikkanik igalaaminernik eqqarsaqqaalerneranit.
- Tamatumani aaqqiissutinut assigiinngitsunut tikkuussisinnaavugut, ikuallannernullu isumannaallisaanernut piumasaqaatinik naammassinninnissamut qanoq iliortoqassanersoq ilanngullugu, Henrik Jespersgaard Jensen oqarpoq.
- Suliniummik aamma akikinnerulersitsisinnaavugut oqimaassutsit taamalu assartuinermut aningaasartuutit eqqarsaatiginerisigut. Atortummi soorlu Kalaallit Nunaannut assartorneqassappata pingaaruteqarpoq.
Siunnersuisutut piginnaasanik Lufaco ukiuni kingullerni annertusaasimavoq, sulisullu arlaqartut ikuallannernut isumannaallisaanermut siunnersortitut klasse 2-mut uppernarsaateqarlutik. Suliffeqarfik immikkuullarilluinnartunik aaqqiissutissanik, assersuutigalugu mittarfinni passinik nakkutilliivinnut, parnaarussivinnut napparsimmavinnullu, ilusilersuisoqartussanngoraangat taamaammat ilaakkajuppoq.
